الديار تحاور مدير مستشفى الفشن المركزى بعد شهر من توليه منصبه
بعد مرور شهر من إعفاء مدير مستشفى الفشن المركزى الأسبق والجدل الذى أثير بسبب وفاة شقيقين بفيروس كورونا وقد نصحهم بالعزل المنزلى وتولى الدكتور محمد عبد السلام إدارة مستشفى الفشن كان لنا لقاء معه عن تفاصيل ونسب الشفاء من فيروس كورونا بالمستشفى.
_ بداية ما هي نسبة الشفاء من كورونا بالمستشفى؟
بالفترة الماضية عملنا إحصائية ل ٦/٣٠ الإحصائية بالظبط كنا عاملينها من ٣/١٥ من وقت ما بدأنا العزل ل٦/٣٠ حيث كان الذي يدخل لدينا ٨٥٤ عينة كان الموجودين حينها بالمستشفي ١١١ المحجوزين حولنا منهم ٣٨ حاله حولناهم لمستشفيات تانيه كعناية وحصل وفيات ٣٠ حالة اما الباقي كله كان خروج تعافي، انما ما حدث كان حينما يخرج حالات لم نعلن عنها لأن كان هناك أشخاص غير راغبة بمعرفة اى أحد أن لديها كورونا، وأضاف قائلا:" فاللي كان عنده بيحس انه منبوذ او حاجه زي كده، فالإحصائية دي لما عملتها علشان اشوف اللي عندى أصل مرت فترة كده قالوا الوفيات كتير فمسكت مركز المعلومات اللي هي تذاكر السرد اللي عندنا وقلتلهم انا عايزة اعرف دخل عندنا كام حاله ووضعهم فطلعو ٨٥٤ حالة دخلوا ١١١ كانوا موجودين في المستشفي في يوم ٦/٣٠ الي احنا شغالين فيه ده كان فيه ٣٠ حالة وفاة ٣٨ حالة تحويل للعناية والباقي ده كله كان خروج التعافي ده كان عبارة عن يا إما خرج من عندي تعافي يا اما راح المدينة الجامعية وخرج منها تعافي، حسبنا النسبة دي ٣٠/٨٥٤ لقيناها مش مكملة ٢ او ٢.٥٪ وده الي ماشي مع منظمة الصحة العالمية منظمة الصحة العالمية كاتبه من ٥:٦٪ وفيات".
_ هل الإحصائيات المذكورة يتم إرسالها لوزارة الصحة يوميا؟
لا لا لا الإحصائية لا ترسل للوزارة احنا بنعملها لنفسنا الإحصائية بتتبعت للوزارة هى انك بتبلغي يوميا عندك كام سرير فاضي مين الي خرج مين توفي يوميا يعني هي الوزارة يهمها عندي كام سرير فاضي خرج عندك مثلا كام عيان مثلا تعافي خرج كام عيان متوفي لكن انا عملت احصائية كله علي بعضه بمعني انا مثلا ممكن يكون في يوم كان عندي 3 حالات وفاة مثلا طبعا رقم كبير لكن لما تيجي تحسبيها طبعا علي كله بيبان انهم طالعين ولا حاجه هو حظ اليوم كان كده فعملنا الإحصائية للمستشفي نفسها علشان نعرف احنا ماشيين في اي اتجاه ولذلك لما الإحصائية دي اتعرفت لقيناها كأرقام احسن بكتير من الصدر والحميات انما حينما تيجي ترجعي انا كطبيب عارف ان الصدر والحميات بتستقبل حالات اسوء من حالاتي يعني انا مثلا دلوقتي اقل واحد عندي في المستشفي فوق ٦٠ اقل من ٦٠ سنه ده بيروح مدينة جامعية فانا كل الي عندي اعمار كبيرة يعني انا عندي سبعينات وثمنينات و ٩١و٩٢ و٩٣ سنة وأرقام كبيرة جدا وطبعا عندهم امراض متعددة سكر وضغط وحساسية علي الصدر وحاجات زي كده وبس.
_ وهل ذلك يجعل صعوبة فى التعامل مع كبار السن وإستهلاك للقوة البشرية بالمستشفى؟
استهلاك للقوة البشرية عندي ان كل واحد عايز حد يدخله الحمام ويطلعه من الحمام عايز حد يعطيله الدواء غير الشاب، الشاب ممكن تحطيله العلاج جنبه هو ده علاجك ياخده وخلاص الموضوع خلص هتاخد ده الصبح وده بليل خلاص هو عرف، انما كبار السن لازم حد ياخد العلاج ينزلهوله الصبح وبليل ويتاكد ان هو بلعه ويتاكد ان هو كل وان هو شرب ويتاكد ان هو خد علاج السكر وخد علاج الضغط غير طبعا المدينة الجامعية لا، حتي لو عنده سكر او ضغط هو عارف علاجه وعارف موعيده وعارف مواعيد اكله وشربه كده، فعندنا استهلاك للقوة البشرية كتير ومعندناش العدد اصلا الي يغطي .
_ هل لديكم نقص بالقوة البشرية بالمستشفى (دكاترة_ممرضين_ عمال)؟
اه طبعا لان انتي كنتي بتكلمي عن مستشفي بتشغل تلتين اربعين سرير لما تيجي تخليها تشغل ١٢٠ سرير بنفس القوة مهو ده حمل علي القوة البشرية اكيد، يعني انا مثلا الجناح عندي كان فيه ٨ سراير الجناح فيه ٨ سراير بقا فيه كام بقا في ٢٢ سرير طيب المشكلة في اي المشكلة ان انا معنديش غير حمامين بس في الجناح فتخيلي ٢٢ واحد علي حمامين طبعا ده ضغط جدا علي البنية التحتية وغير كده بتخلي في تزاحم وفي تاخر.
وهل هناك حل لذلك؟
دي حاجات ملهاش حل حلها اجيب حمامات منين ملهاش حل فا بتبقي تحديات اصلا فارضها عليك الواقع مثلا اي انا كان عندي عامله ماسكه الجناحين ايام ما كانت شغالة مستشفي بس العاملة ماسكه جناحين هي بتروح علي الجناح ده وبتروح علي الجناح ده اصبح الجناح في ٢٢ واحد فمتخيله بقا والناس مش بتتحرك من علي السراير فكل حاجه جنبه ممكن يتكب منه دواء يتكب منه اكل فهي ع ما تخلص مسح الجناح بترجع تجيبه من الاول وجديد طبعا اطريت اطلع عمال تانيين بس طبعا انتي عندك العماله محدوده تيجي بقا محدش عايز يشتغل يعني تيجي تعارضي محدش راضي يشتغل يقولك انا اشتغل في العزل يجيلي حاجه.
_ هل لديهم تخوف ورهبة؟
اه طبعا فاحنا يعني ناشدنا علي النت وكلمنا طوب الارض وهياخد الفلوس الي هو عايزها وهنلبسه الواقيات الي هو عايزها ومش عارف اي والكلام ده وييجي في لحظه محدش رضي مفيش غير يمكن واحد من بلد اسمها غياطه تبع امبابه الي هو رضي ييجي يصلح السباكه لله كمان واخده بالك قولنا التكييف بتاع العناية بايظ عايزين حد يصلحه حتي الان مش لقيين حد يصلحه اقصي حد قالنا فكلنا التكييف وطلعه بره واحنا نصلحولك طيب ومين الي هيفكه المفروض يكون حد فاهم فيه، محدش راضي يدخل يعني كله عنده زعر وخوف وتخوف يقول ادخل في كده يا جماعة ما الدكاترة بتدخل كل يوم الطبيب بيدخل معاهم كل يوم والكلام ده يقولك لا بص انا معنديش مشكله اصلحه بس فكهولي وطلعه يا جماع انتوا بتهزروا والله حتي لحظتنا الحاليا مش لاقيين حد يصلحه.
طلاب الثانوية الأزهرية بإطسا يشكون من الإهمال
Barcelona-facebook-حبس محمد رمضان-مباراة برشلونة
