حنا النجار يحاور الفنانة القديرة نجوي شفيق
لقائنا اليوم مع فنانه مختلفه رقيقه الاداء عاليه الحس الفني..فنانه جيل باكمله نشا علي طيبتها المغموره ف ادائها وهي الفنانه نجوي شفيق.. بنرحب بحضرتك يا استاذه نجوي في باديء الامر وبنشكر حضرتك جدا علي السماح بالفرصه الجميله دي... في الحقيقه انا حابب اعرف من حضرتك كام معلومه عامه وشخصيه..
١_كيف بدء مشوارك الفني ومتي كان شعاع النور الاول في مشوارك الفني يضيء؟
1 بدء مشوارى الفنى من الجامعة كنت طالبةفى كلية الهندسة جامعة المنصورة و كان معروف عن كلية هندسة مبتعملش مسرحيات ......ناس جد وبتوع علم .
بس انا و مجموعة من المتحمسين اتفقنا نكسر القاعدة و كونا فريق و جبنا مخرج محترف و عملنا المسرحية ووقتها المخرج اتحمس ليا اوى و كان مصمم يقف جنبى و يدعمنى، و اقدم اعمال فى القناة السادسة و غيرها بس وقتها كانت الدراسة واخدة اولوياتى و قررت اخلص جامعة الاول و اتفرغ للتمثيل. قدمت فى معهد السنيما و للاسف اخدت ميعاد الامتحان الاخير غلط و ضاع عليا الامتحان وقتها زعلت اوى بس لقيت بالصدفة اعلان عاملة المخرج الكبير ماجد توفيق طالب ناس للتمثيل فى افلام دينية روحت و امتحنى و اخدنى معاة بعد كدة فى كل افلامة.
اول شرارة كانت في اول فيلم و هى ابونا عبد.المسيح المناهرى لما مشهد معجزة البطة علق اوى مع الناس وحبوة اوى و علم جدا معاهم و كل ما يشوفونى يقلدوا المشهد و سمونى انتى بتاعة البطة صح .....البطة اللى حيلتنا ماتت يا ابونا .....واتسميت ببتاعة البطة
٢_كيف تكون بالنسبه لكي الدراما المسيحيه؟
الدراما المسيحية هى المدرسة اللى اتعلمت فيها كل اصول التمثيل و ازاى اقف قدام كاميرا و ازاى اخد.بالى من كل حاجة فى اللوكيشن اضاءة و صوت و حركة و ازاى احضر للدور و ازاى اعيشة منحتلى الفرصة اقف قدام ناس كتير و اتعلمت منهم زى يوسف داود وهالة صدقى و عاصم سامى و ماهر لبيب و مجدى شكرى و جميل بر سوم و اشتغل مع مخرجين كبار زى سامح سامى و جوزيف نبيل و ماجد توفيق .
كمان و انا فى الدراما المسيحية كنت بحس انها خدمة .....كتير اوى كنت بلاقى تشجيع م الاباء و الرهبان و انا فى زيارات مثلا لكنايس او اديرة يقولولى اد اية الناس البسيطة بتتاثر بالافلام دى .....كنت بفرح جدا و بتشجع اكمل .
رغم انى عارفة ان الامكانيات للافلام دى بسيطة بس كنت بحس ان النتائج و المردود اضعاف اللى بيتصرف عليها.
٣_ما هي الاسس والمعايير والمقومات التي علي اساسها نحكم علي الفنان انه صاحب حس فني قوي؟ المعايير و الاسس و المقومات التى نحكم فيها على الممثل انة صاحب حس فنى قوى انة لما يكون بيمثل يكون طبيعى كان فية مخرج مشهور دايما يقولى التمثيل مش بيتشمرلة و يتفردلة عضلات ..التمثيل تكونى انتى ......ماجد الكدوانى عمل مشهد واحد فى تحت السيطرة بالمسلسل كلة التمثيل مش صريخ و عياط و جز اسنان ....الموضوع لازم يبقى معايشة و دة بيجى من ان الممثل يحضر للشخصية اوى يدخل فى ادق تفاصيلها يبتدى يرسمها فى خيالة و يتصرف كانة هى و ينسى تماما شخصيتة هو ....و طبعا الدراسة مهمة جدا سواء معاهد او ورش و كمان تدريب و طبعا اهم من دة كلة الموهبة.
٤_نري الدراما المصريه في وقتنا الحالي تسير نحو نهج قوي ومتقدم ؟فما رايك في ذلك؟
الدراما المصرية كانت ماشية فعلا كويس اوى مقارنة بالفترة اللى كانت تسبقها و افلام المقاولات وغيرها بس للاسف اخر ٣ سنين ابتدء الكيرف ينزل تانى بعد ما بدات يدخل فيها الوسطى الزيادة و المجاملات و ظاهرة الانتاج لحد بعينة ٠٠هو اصلا معندهوش مقومات النجاح و يفرضة على الناس لمجرد انة قادر ينتج.
٥_ما هي اخر اعمالك التي قمتي بها ؟ وما هي الاعمال القادمه انشالله؟
اخر اعمالى الدينية لسة ما تعرضش هو مشاركة فى فيلم التلميذ مع جوزيف نبيل و الدراما العادية برضو لسة بيتصور مشاركة فى فيلم للايجار، فى لسة مشاركة فى فيلم العابد مع جوزيف نبيل برضو.
اذكري لي الاعمال الكامله التي شاركتي بها اذا سمح؟
الاعمال الى قمت بيها المناهرى الانبا صرابمون ابو طرحة.....الانبا رويس....ابونا يسى ....وصايا و حكاية ...من الحياة ....اهل العالم .....جمع مؤنث سالم ...قوتى و تسبحتى ...يسطينا و كبريانوس ....انستاسيا ....ايلاريا .....التلميذ ....فى بيتنا لص ....الانبا توماس ...الانبا مكاريوس .....حدث فى تلك اليلة ....معك لا اريد.شيئا .. شاهد عيان ....الانسة فرح .....للايجار و اكيد فى حاجات مش فاكراها
واخيرا وجهي كلمه لجمهورك ومتابعينك؟
كلمة لجمهورى او متابعينى حقيقى بجد.مكنتش متوقعة ان الناس بتحبني كدة لما بروح كنيسة او دير او اقابل حد او احضر عرض لزمايلى بشوف ترحيب و حفاوة و محبة كبيرة اوى و تشجيع على الفيسبوك ...حقيقى الناس جميلة اوى و بيخلونى اكمل و مقفش و بيدونى دافعة بقولهم متشكرة على محبتكم و تشجيعكم ...مخلينى بنسى اى هموم عندى و بيخلونى اكمل مقفش مهما كانالموضوع فية صعوبة افتكر كلام الناس و تشجيهعهم ارجع اكمل تانى.
