الديار

رئيس مجلسي الإدارة والتحرير
عصـام عـامر

حوارات

الديار تحاور أصغر باحثة في الشأن الإسرائيلي «علياء الهوارى»

2020-06-29 19:55:16
علياء الهوارى
علياء الهوارى
حوار: مروة مصطفى

تمر السنين والأعوام ولا يزال العدو الإسرائيلي يخطط ويدبر كيف يسيطر على العالم كله ولكن في ظل القيادة الحكيمة لمصر الآن وصلابة الجيش المصرى وظهور جيل واعد من الشباب وجب معرفة العدو وكيفية تفكيره فكان لنا لقاء مع أحد الشباب والتي درست وبحثت جيدا في الشأن الإسرائيلي "الصحفية علياء الهوارى"

عرفينا بنفسك ومجال عملك؟ ولماذا تخصصتي في هذا المجال؟ وما هو طموحك بهذا المجال؟

علياء الهواري

خريجة آداب لغة عبرية

دخلت القسم اولًا لأنى كنت جايبة ٩١٪ وكان القسم بياخد مجموع كبير، وكنت عايزة أخد لغة جديدة وأعرف لغة العدو، فى البداية الموضوع كان صعب جدا، بس وحدة وحدة عديت سنة بقيت أحسن، كان نفسي أكون ظابط بس ماطلبوش بنات عبري فى ظباط متخصصين، إتجهت أن يطلق عليا أصغر باحثة في الشأن الإسرائيلي، إبتديت أتجه لمجال الصحافة، اتخرجت من أكاديمية ناصر العسكرية، عملت دبلومة فى إدارة الأزمات فى الجامعة الأمريكية للدراسات الإحترافية، علشان أقدر أكتب ف المجال السياسي.

حبيت أكشف العدو من خلال الكتاب المقدس وخصوصا أن ناس كتير ما تعرفش كتير عن إسرائيل من أولهم أن أنا ذات نفسي كنت فاكرة اليهودي والصهيوني والإسرائيلي واحد لكن هما كذا معني، حبيت اكبر واكبر ف مجال.

كما اشتعلت مسؤال اعلامي مع مساعد الوزير صبري العدوي دكتور عماد الدين محمود واشتغلت ف كذا جريدة ف القسم الخارجي ف الشؤون الإسرائيلية، عايزة يطلق عليا فى العالم كله اصغر صحفية فى الشؤون الإسرائيلية

من خلال متابعتك للإسرائيليين ماذا يحدث لديهم الآن؟ وما هي توقعاتك لما سيحدث؟

إنطباعي من وجهة نظرى الصغيرة : في بداية كورونا كانو بيذيعو الأعداد بالألوف وفي اليوم بحوالى عشرة آلاف مصاب و١٠٠٢ متوفيين وبعدها بفترة قالو انهم اكتشفو العلاج وبعدها قالو لسة مش دلوقتي وبعدها طلعت أمريكا وقالت انها اكتشفت علاج وبعدها بفترة حصلت المشاكل والمظاهرات اللى حصلت في امريكا وقتها اسرائيل اختفت معملتش اى حاجة في اي حتة مطلقا بقيت اتابع الاعداد الاقي مواقع تنزل في أيام مفيش ولا إصابة وايام وصلت الاصابة فيها ل١١٠ فمن وجهة نظرى انهم مش بيعلنو الأرقام الصحيحة، تاني حاجة هما عملو اكشاك كدا فيها دكاترة في الشوارع بتقيس للناس درجة الحرارة فدى حاجة كويسة وانا شايفة ان اسرائيل متقدمة من ناحية العلم ومتطورة جدا

قالت حاجة اسرائيل سابت مصر مشغولة في ليبيا وامريكا مشغولة في اللى بيحصل عندها وأعلنت كام حاجة من ضمنها ان هى هتعمل مرتفعات في الجولان هتسميها مرتفعات ترامب ودا طبعا مش من فراغ وكمان اسرائيل لأول مرة تعمل حوالى ٤ انتخابات في سنة واحدة انتخابات رئاسية وبرلمانية يعني من فترة اعلنوا عن انتخابات برلمانية للمرة الرابعة، الوضع السياسي في إسرائيل مش مستقر واحنا مش عارفين عنه حاجة، شوية معترضين على نتنياهو وشوية يجيبوه وشوية يجيبو غانيتس مش ثابتين على رئيس عندهم يعني نتنياهو فاز وفشل في تشكيل حكومة ٣ مرات وبعدها مشي وبعدها مسك غانيتس وبعدها حصل قلبان على غانيتس وحصل مشاكل في حزب ازرق ابيض وبعدها تاني مسك نتنياهو ودلوقتي حصلت مشاكل في الأحزاب وفي ناس عرب انسحبت من الكرسي بتاعها في الكنيست ودا موضوع كبير.

من خلال دراستي للعبرى كلغة قدرت أفهم تلاعبهم بالألفاظ وأترجم الأخبار بتاعتهم وبقيت اجيب أخبارهم منهم هما شخصيا مش نقلا عن جرايد تانية بالعربي.

_لماذا اللغة العبرية غير منتشرة بمصر؟ وغير مدرجة بكثير من الكليات؟ وبعد التخرج من القسم العبرى أين تتوظفون؟ وهل إسرائيل جندت طلبة بعد تخرجهم؟

اللغة العبرية من بعد ٧٣ الجامعات بدأت تدرسها جامعة القاهرة وجامعة عين شمس وجامعة الأزهر لكن كان التخصص في ألسن عين شمس واداب عين شمس لان اللغة العبرية في باقي الجامعات بتبقى من ضمن اللغات الشرقية لكن في عين الشمس بيكون التخصص من سنة اولى وعدت فترة اتوقفت ورجعت تاني المشكلة ان كان في ناس بعد ما بيدرسو اللغة العبرية دماخها بتتشتت او في دكاترة بيلعبو في دماغهم فبياخدو إتجاه تاني وفي ناس كتير جدا جندتها الموساد وفي ناس شيطانهم ضحك عليهم وراحو ناحية السفارة الإسرائيلية متشافوش تاني في ناس اتأذيت بسبب الموضوع دا وفي ناس خدها الشغف في البحث والعلم لحد ما راحت ورا الشمس المجال دا حساس جدا لان دا يعتبر امن قومي دا بيمثل بلد احنا من أول ما بندخل أى قسم عبرى بنبقى متراقبين سواء موبايل او واتساب او فيس بوك متراقبين من هنا ومن عندهم فالموضوع مش سهل علشان كدا مش هتلاقيه منتشر واحنا بردو عندنا خوف وبردو علشان عدد الولاد اوقات بيكون كبير فيها والبنات اقل شوية ودا لأن مش بنلاقي فرص شغل كويسة أغلب الشغل باللغة عندنا كوول سنتر لكن الشغل اللى هتلاقي تبع القوات المسلحة تبع المخابرات تبع الجهات السيادية كلها ليها علاقة بالولاد.

اللغة العبرية وقت ما دخلت الكلية كانت واخدة من ٩٠% وواخد مجموع اللغات من ١٥٤ فبياخد مجموع كبير انا اول ما دخلت كان عددنا ١٦٠ واحد في التيرم الاول اما في التيرم التانى مكملناش ٦٠ واحد معظم الى بيدخل بيحولو اللغة مش سهلة هي سهلة للى حاببها وحابب يعرف ايه الى فيها وحابب يعرف دماغ الناس دي وبتفكر ازاى وانا نفسي ان اللغة العبرية تنتشر وكلنا عارفين اننا هندخل الحرب العالمية التالتة وهيبقى من ضمنها إسرائيل فعلشان نحارب عدو لازم نكون عارفين اللغة بتاعته لازم نكون عارفين عاداتهم وتقالديهم دا سيدنا محمد صلى الله عليه وسلم قال من عرف لغة عدوه آمن مكرهم فلازم نعرف لغتهم وزى ما اكاديمية ناصر فيها تدريس استراتيجية وامن قومي وإدارة ازمات لازم يكون في ولو دورة صغيرة في اللغة العبرية لازم وزارة الشباب تهتم بالناحية دي زى ما بتهتم بباقي اللغات.

اقرا ايضا: السيطرة على حريق هائل بإحدى مستشفيات اسكندرية

هل هناك أساتذة اثرو على عقول الطلبة بتغيير معتقداتهم؟

من فترة طويلة في دكاترة كتير كانت بتلعب في دماغ الطلبة ان اسرائيل صح وانهم لا صهاينة ولا حاجة وطبعا في العكس، في ناس كتيييير جدا كانت عندها شغف باللغة وبإسرائيل وفي ناس حاولت تروح إسرائيل من السفارة الإسرائيلية فراحت ومتشافتش بعدها دخلو او خدوهم امن وطني او خدتهم السفارة الإسرائيلية الله أعلم مين خدهم وفي ناس بتتجند وفي ناس من كتر حبها للغة ممكن تكلم ناس يهود ومعظم الى على السوشيال ميديا من الإسرائيليين او من اليهود معظمهم من الموساد.

ازاى تنتشر اللغة من خلال الدورات زى ما بيحصل دورات في اكاديمية ناصر للاستراتيجيات كمان تعمل في اللغة ، وزارة الشباب زى ما بتهتم بالانجليزي والفرنساوى والايطالى والالمانى ما تهتم بالعبرى

الفترة الى احنا فيها دى اسرائيل مليانة مشاكل وحاجات سباسية احنا مش واخدين بالنا منها والملحوظ انها مش ع الساحة خالص دلوقتي

اللعبة الوحيدة الى ممكن تكون بتعملها اسرائيل دلوقتي ان هي تثبت اسم ترامب في بلد هناك في الجولان هتسميها مرتفعات ترامب في الجولان.

اخبارهم مش بتوصلنا لان طبيعي ان اخبارهم كلها بالعبرى فقل القليل من الجرايد الى ممكن تلاقيهم بيهتمو بالشأن دا وبيترجمو الاخبار العبرية فعلشان كدا مش بتوصلنا بالشكل المعروف لكن لو أغلبنا تابع بعض الصحف زى إسرائيل تتحدث بالعربية هيعرف هما بيعملو ايه لكن هما بردو محافظين على الاخبار السياسية بتاعتهم معروف ان هما خونة فمش هيبقو مكشوفين قدامنا اوى كدا الا لو صحفي شاطر بحث وراهم في المواقع العبرية بتاعتهم ويترجم بضمير هيكشفهم ودى فايدة تعلم اللغة العبرية.

هل لهم يد بموضوع سد النهضة؟ هل هناك جديد بالحياة السياسية لديهم غير ما ذكرتي؟

أكيد ليهم يد طبعا طبعا، بس مفيش أدلة، هو دا الى على الساحة حاليا لا جديد

الإسرائيليين متقدمين علميا ومن المحتمل دخولنا الحرب العالمية التالتة معهم فهل تتوقعي إنتصارهم ام هزيمة الماضى لا تزال ترعبهم؟

بصي مفيش حد يقدر على الجيش المصرى ولا الشعب المصري ولا في حد هيقدر على مصر فمهما رجعنا للوراء احنا الفترة دى فعلا بنتقدم كفايا أن الرئيس بتاعنا السيسي مصر اتغيرت كتير اوى عن الأول بقى لينا آراء وحقوق وبقينا نطالب بحقوقنا الرئيس بقى بيسعى ان يعمل حقوقنا من غير ما نطالب بيها .


إرسل لصديق