محمد أنور سالم يكتب: أنا شبهي حد
مجرد من دموع العين
ومن الاحزان مادمت بطبعي ببقى حزين
و من لا شيء بقيت ولا شيء
بخاف يمكن عشان بنخاف
و بشرب ميه منع جفاف
و زي الناس بقيت بنشاف
وانا فالاصل طيف شفاف
لا ليا عالاورق ذكري
و لا عمري " صاحب " يتكتبلي شريك
و لا عمر صاحبي قالي كتفي حميك
و لا عندي بنت تحبني صدفه
و لا مره جن ظهرلي قال شُبيك
و لا ليا صوره اخدتها مع حد
و لا مرة قلت ل حد صورني
و لا قلبي داخل حرب مره بجد
او عندي اسري تقولي حررني
انا شبهي حد ؟! او مفيش شبهي .
