عفاف مصطفي لـ عبير صلاح: إلا الأستاذ محمد صبحي يامدعية

نشرت الفنانة عفاف مصطفي عبر صفحتها الشخصية علي موقع التواصل الاجتماعي فيسبوك رأيها الشخصي ردا علي تصريحات الفنانة عبير صلاح الدين (عبله) والتي صرحت بها خلال لقاءها التي أجرته عبر فضائية إم بي سي مصر عن محاربة الفنان الكبير محمد صبحي لها بعد رفضها التعاون معه في الأجزاء الأخيرة من مسلسل يوميات ونيس.

وقالت عفاف مصطفي: إلا النجم الكبير محمد صبحي يا مدعيه، أقسم بالله أنا اشتغلت مع صبحي في كل اجزاء ونيس وقبل ونيس وكان بيحطلي إيفيهات من عنده عشان اضحك وبيحب الممثلة بتاعه حصل معايا طلبني في شغل مسرح قلته بكل صراحه انا ممثله غير ملتزمه وبوهيميه وهتتعب في توجيهاتي وبحب الفيديو اكتر لأنه قد صحتي وامكانياتي واعتذرت له.

وتابعت: فما كان من الرجل النبيل إلا أن قبل وضحك علي كلمة بوهيميه، وقالي تمام لما ادخل شغل فيديو هتكوني معايا وفعلا بعتلي وكملت اجزاء ونيس كلها، والحقيقه في كل مناسبه انا معاه في السراء والضراء وبشوفه وبيراسلني ويهنيني في الأعياد والمناسبات، وأنا علي تواصل معاه دائما لأنه استاذي، وبيحب أصدقائه وتلامذته اللي انا وبنتي ياسمين منهم، الست دي عايزه تريند وآهي عملته.

وأنهت عفاف مصطفي ردها قائله: إلا الأستاذ يا مدعيه حسبتيها غلط.