أمير كرارة: «رامز جلال مش بيرحم»

أكد النجم أمير كرارة، اقتناعه بفكرة الظهور كضيف شرف مع زملاؤه النجوم، قائلا: "ظهور الفنان كضيف ضرف ده بيبقى واجب بنعمله مع أصحابنا ولكن لازم أكون رايح اعمل دور شرف في حاجة تستحق اعمل ضيف شرف وممكن اجامل، ووافقت أكون ضيف شرف مع رامز جلال في فيلم سبع البرومبه".

وأضاف الفنان امير كرارة، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، أن فيلم سبع البرومبة كويس جدا وضم نجوم كبار كضيوف شرف، متابعا: "رامز نجم كبير ومحبوب وأفلامه الكوميدية لذيذة وضيف الشرف كان احمد السقا وياسر جلال وأنا، وكانت تجربة جميلة ولو مش عاجبني كنت هقول مش عايز".

مقالب رامز جلال

وعن رأيه في مقالب رامز جلال، رد قائلا: "رامز جلال يستحق أننا نجامله ولو طلب اشارك معاه فى مقلب نفسي اشارك معاه نعمل مقلب، وبحب برنامجه قوي وأفكاره مجنونة ومطرقعة وتخيلت قبل كده أنه يستضيف حد من النجوم ونعمل مقلب وهو مش بيرحم".

أمير كرارة يكشف سبب رفضه لفيلم "الممر"

كشف النجم امير كرارة، عن اعتذاره عن دور البطولة في فيلم "الممر" بسبب التزامه بالكثير من الأدوار التي كان يجسد فيها أدوار الضابط، قائلا: "اعتذرت عن الممر عشان كان عندي ادوار كتير وطالع فيها ظابط فى كلبش3 وحرب كرموز".

وتابع النجم أمير كرارة، أنه كان يتمنى العمل مع المخرج الكبير شريف عرفه في الممر، متابعا: "كنت اتمنى اشتغل مع شريف عرفة لان الممر فيلم كبير وأحمد عز عمله احسن مني وزعلت أنى معملتش الدور وحاجة محترمة".

واستكمل كرارة: "اعتذرت عن مسلسلات قبل كده ولكن انا كنت ببقى عارف بعمل ايه، وأنا اتحطيت فى دور الظابط 5 مرات وعملته في حرب كرموز والاختيار وكلبش، وكان كلهم مختلفين عن بعض ولكن قبل كده عملت مسلسلات شبه بعض زي حواري بوخاريست ومسلسلات مشابهة".

أعمال أمير كرارة

يشارك الفنان أميرة كرارة في السباق الرمضاني ٢٠٢٢م بمسلسل العائدون مع الفنانة أمينه خليل وتعرض يومياً على قناة النهار، وتدور أحداث المسلسل حول داعش.