مع أول فعاليات مسلسل لعبة نيوتن تبدع الفنانة مني ذكى

أعلنت قناة dmc عن مواعيد عرض مسلسل "لعبة نيوتن" للنجمة منى زكى على شاشتها حصريا، حيث يعرض العمل يومياً الساعة 7:45 مساءً، والإعادة 2:00 صباحا و 10:00 صباحا.

ومسلسل لعبة نيوتن تدور أحداثه حول رحلة هنا وحازم اللذان يخططان في سرية تامة لإنجاب طفلهما على الأراضي الأمريكية، ولكن تتعقد المغامرة شيئًا فشيئًا وتأخذهما إلى عوالم لم تكن في الحسبان، وتم تصوير المسلسل بين مصر والولايات المتحدة الأمريكية .

ووصل "لعبة نيوتن" إلى المركز الثالث في بعض الأحيان خلال الساعات الأخيرة للأكثر تداولا في مصر بشكل عام، كما تصدر قائمة المسلسلات الرمضانية.

بداية مبشرة و رائعة لمسلسل قوي زي ده ، و بيبتدي بالمشهد اللي قبل التتر مشهد مميز و بيظهر عبقرية تامر محسن في الاخراج و السيناريو مع الموسيقي الموترة العظيمة دي كل حاجة محسوبة بظبط لا اكتر ولا اقل القصة ملامحها واضحة و الشخصيات بشكل كبير من اول حلقة و دي حاجة حلوة جدا

شخصية "هنا" (مني ذكي) : شخصية ضعيفة و مترددة في نفس الوقت هي مش واثقة في نفسها ، علاقة هنا و حازم علاقة علي قد ما هي قوية إلا إن نقط ضعفهم هما الاتنين متشابهة و ده بيظهر في مشاهد كتير ، هنا شخصية ضعيفة و مترددة و معندهاش ثقة في نفسها ، و لكن بسبب قلق حازم المستمر عليها وحبه ليها هي بتبقي عايزة تثبت له في كذا مشهد إنها مش الشخص اللي هو شايفها و إنها زي (الستات الناصحة) ، و أعتقد دة السبب في الحركة الاخيرة اللي هي عملتها لما قعدت في أمريكا ، و من هنا خط الاحداث هيبتدي يكبر معانا..و دي شخصية جديدة علي مني ذكي و هي عاملاه ببراعة و في كل مشهد بيزيد توترك مع توترها في كل مشهد و دي عبقرية اخراج و تمثيل و موسيقي.