تامر حسنى يكشف سبب رفضه تقديم حفل ”أون لاين”

كشف الفنان تامر حسني عن اسباب عدم تقديمه بحفل اون لاين حتى الآن، وكتب على صفحته بموقع الصور والفيديوهات إنستجرام:" لكل حبايب قلبي الغاليين اللي بيطالبوا بحفله Online،أنا شايف كل طلباتكم وبجد إنتوا واحشني اكتر، أولًا: بالنسبه لاستكمال تصوير فيلم ( مش أنا )، أنا وقفت تصوير الفيلم من اول يوم حسيت فيه بخطر على الناس وقبل الحظر وقبل إعلان الدوله عن طلب عدم التجمعات فلا يمكن استكمال تصوير الفيلم حرصًا على سلامة الجميع.

ثانيًا: أكيد اتعرض عليا حفلات Online من فتره بس الحقيقة أنا واخد عهد على نفسي في ظروفنا دي مش هعمل أي عمل فني ومش هغني إلا لو هيكون في فايده مجتمعيه ماديه ومعنويه، وحاليًا في مفاوضات على حفله Online هيتخصص فيها منا جميعًا ومن الرعاه الرسميين حصه كبيره من التبرعات للأسر المتضرره من وباء كورونا ولاسر محدودي الدخل ". وتابع حسنى:" أما عن الاوبريت العربي (انت أقوى) تشرفت بالاشتراك فيه عشان هو عمل قومي محترم وليه هدف إنساني كبير بخلاف رفع الروح المعنويه والإيجابيه ونشر الأمل من جديد ان العائد المادي كله سيذهب بالكامل لمتضرري وباء كورونا وجميع صناع العمل متبرعين بأجورهم بالكامل ولهم كامل الإحترام والتقدير وتشرفت بالعمل معاهم كلهم،،،، إنتظروا الأوبريت العربي (انت أقوى ) خلال أيام إن شاء الله... وربنا يحفظكم ويحفظنا جميعا".

ديزني تجمع نجوم الفن من أجل التبرع لبنك الطعام الأمريكي