أغنية «مش ندمان» لـ مسلم تقترب من 6 ملايين مشاهدة
تقترب أغنية "مش ندمان" للمطرب مسلم من 6 ملايين مشاهدة، بعد مرور 15 يوما على طرحها بموقع الفيديوهات الشهير اليوتيوب والمنصات الموسيقية.
أغنية "مش ندمان" غناء وكلمات وإلحان مسلم، توزيع علاء الدين عمر.
أغنية "مش ندمان"
كلمات أغنية مش ندمان تقول: برواز قديم و متلصم، والعمر بيجري و يخَّصم، جروح بتلم وتبصَّم، تسيب جوا القلوب علامات، الحزن بقلبي متوصي، و مش كسبان و مش مرضي، الدمع ف عيني بيخطي، يودعهم بدون سلامات، على العشرة و ع الأيام، معادش يفيد مابينا كلام، يومين بالكتير و أنساك، أنا سايبك و مش ندمان.
و جه اليوم اللي أشوفك فيه، واقف مكسور بتندهلي، وشايل روحي على كفي، و لو حنيت هبيع قلبي، وعادي،كله بيعدي، البعد بينسي، هكون مرتاح وأنا لوحدي، وقولي إيه افتكرك بيه، غير دمع عيني اللي يبكي، مسيبتش ليا أي طريق، غير المركب اللي تودي، والباب يفوت جمل، كل اللي ليك اتعمل، ميطمرش، والعشق مش بالأجل، كان فيه حنين وأتقتل، ميرجعش.
المطرب مسلم
كشف المطرب مسلم سابقا في حوار له عن كواليس أغنيته اتنسيت، والتي حققت نجاحا كبيرا منذ عرضها من ضمن أغاني فيلم عروستي بطولة أحمد حاتم وجميلة عوض.
وقال مسلم: المنتج إيهاب السرجاني تواصل معي وعرض عليّ تقديم أغنية في فيلم عروستي، الذي يقوم ببطولته الفنانان أحمد حاتم، وجميلة عوض، وبالفعل وافقت على تقديمها، خاصة أنني كنت قد انتهيت من كتابتها منذ 2014، وأضفت بعض التعديلات فقط.
وتابع: ثم طلب مني المنتج تقديم أغنية أخرى ولكن رومانسية، وكان المخرج يريد أن تكون الأغاني متناسبة مع أحداث الفيلم، ولكن المنتج كان يريد أغنية تظل موجودة على الساحة الفنية ويتم الاستماع إليها خارج الفيلم، وهذا ما حدث بالفعل.
أغنية اتنسيت
وعبر مسلم عن سعادته بنجاح أغنية اتنسيت، قائلا:" أنا سعيد بنجاح أغنية اتنسيت، ومكنتش متوقع ذلك النجاح واتخضيت ومش مستوعبة لحد دلوقتي بسبب الضغط اللي أنا فيه.
وعلق على تشابه اسمه مع اسم مطرب المهرجانات مسلم، وهل تسبب ذلك في حدوث مشاكل له وتحديدا بعد أزمة الأخير مع نقابة المهن الموسيقية، قال: معمليش مشاكل، وكل واحد في مكانه، وربنا يوفقنا جميعًا.
وكشف رأيه في قرارات النقابة الأخيرة بخصوص مطربي المهرجانات، قائلا: أي قرار يخص النقابة يحترم وأكيد له سبب.
