خالد يوسف: شايف بارقة أمل لانفتاح الأفق العام

شرح المخرج خالد يوسف رؤيته للجو العام بعد عودته إلى مصر.

وفي حواره مع الإعلامي عمرو أديب ببرنامج "الحكاية" على قناة MBC مصر، قال خالد يوسف: "أنا شايف الجو العام فيه بارقة أمل لانفتاح الأفق العام، وأنا ده اللي يهمني."

وعن تأخر عودته لمصر، قال: "مقدرتش أرجع لإني ملقتش إشارات، لأن أنا، وده أنا طول عمري بقوله دايما، طول عمري عايش في كل الأنظمة المتعاقبة من أول حسني مبارك ثم المجلس العسكري ثم الإخوان المسلمين ثم الرئيس السيسي، طول عمري مش عايش تحت السقف اللي بتحدده الأنظمة، أنا بقول اللي أنا نفسي فيه، اللي بحسه بقوله."