جريدة الديار
الجمعة 29 مارس 2024 03:54 مـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

خاص الديار: هانية جمال الدين ”بنت ب100 راجل ”تسقى العطشى على ساقية الصاوى!

هانية جمال الدين
هانية جمال الدين

تتألق الشاعرة الأديبة والفنانة التشكيلية هانية جمال الدين عصر غد الخميس على انغام الشعر بساقية الصاوى بالزمالك.

يتبارى معها الشاعر نصر الدين عبدالستار بقصائده فى أمسية شعرية .تلقى خلالها الشاعرة قصيدتها " بنت ب100 راجل" وتقول كلماتها :

بنت ب١٠٠ راجل وقوية

مش ممكن راجل يقهرها

بدل الموقف عدت ١٠٠ والصعب لا يمكن يكسرها

بتقع وتقوم

زى ما هى تصلب عودها

وعارفة مسارها عمرها

مابتيجى بحنية ..

وو لا كلمة حب تغيرها

عندها مبدأ متربية ..

وسمعة اهلها بتقدرها

تعبوا قوى عشان تبقى بنية

واخلاقها لا يمكن تخسرها

اتقوا ربنا فيها شوية ..

الناس مش بس بمظهرها

بالجوهر برده وبالنية ..

وياريت نوايانا نطهرها

ومن ديوانها الأخير تبدع الفتاة الشابة وتنسج أجمل الكلمات فتقول:

إعزف أنينك وإحترف

عزف الهموم ..

وانزف يقينك واختلف

يوم بعد يوم

بالنسبة ليك موجك وقف

وتعبت عوم ..

كل اللى شاف عزفك عرف حزنك ده كوم

جواك و منه بيتغرف

وو لا عنه صوم

إعزف ده عزفك مُعترف

معلهيش لوم ده الذنب جواك

مُحترف فإنهض وقوم

إيقظ ضميرك م التلف

وكفاية نوم داير لوحدك تستلف

ف ديون تحوم

وانت اللى هترد السلف

بنواح و لوم ..

وتنتقل الشاعرة إلى طريق الرومانسة العامية الرقيقة فتقول:

وبحب الحب اللى اتحبه

مايكونلوش امثله فى الكون ..

والشخص اللى مسيرى هحبه

لو عاقل .. يصبح مجنون ..

يوهب كل مشاعره .

وقلبه .. بية لوحدى

يكون مسكون

وأتطمن دايما وانا جنبه ..

ومايقساش لو مهما يكون

لو غيرت عليه هيكون ذنبه

ورد الفعل مهوش مضمون

والله بقى يعينه على تعبه

من تبرير أسأله وظنون ..

وان ماإهتمش بية هعاتبه

عاوزاه طيب قوى وحنون

ويقول على فستانى ده عاجبه

علشان شايفه بأحلى عيون.

هانية جمال الدين فنانة تشكيلية لها العديد من اللوحات الإبداعية ومدربة الرسم للأطفال بعدة مراكز للطفولة