المجند الذي قابله الرئيس يعرب عن سعادته الكبيرة
علق المجند أيمن قنديل المجند الذي قابله الرئيس بالعلمين على تسلمه هدية الرئيس وهي عقد ملكية مكتبة جديدة قائلاً : " كنت متأكد بنسبة مليون في الميه أن الرئيس يحقق لي مطلبي بالطبع "
وحول مشاعره عندما قاد العجلة بجوار الرئيس السيسي تابع في مداخلة هاتفية خلال برنامج " كلمة أخيرة " الذي تقدمه الاعلامية لميس الحديدي على شاشة " ON" قائلاً : " لو قعدت من هنا للسنة الجاية مش هعرف أوصف مشاعري أني سقت العجلة بجوار الرئيس السيسي "
أكمل : " في بداية اللقاء إتخضيت ومكنتش حاسس بنفسي لما الرئيس قلي سلام عليكم الكرسي بتاع العجلة بتاعك واطي ليه كده ؟ فعليناه وقلي تعالى هات عجلتك وسابقني وسألني عن إسمي قلتله " أيمن " وقلي سابقني ولما تكلم معايا قلي أنت مكسوف مني ؟ أنا زي والدك ثلاث مرات فهديت وأخدت نفس وبدأت اتكلم معاه ببساطة "
واصل : " الخضة في الاول ده طبيعي لاني باقبل رئيس الجمهورية وماكنتش احلم بحاجة زي دي .. ولما قلي نفسك في إيه ؟ فضلت للحظات مش عارف أققول غيه لحد ماحكتله عن مشروعي الصغير وإزاي نفسي أكبره وسألني في مكان معين كويس ؟ قلتله فيه مكان كويس وشغال .. والحمد لله "
أتم : " أول تليفون عملته بعد لقاء الرئيس كلمت والدي وحكتله ومكنتش عارف أققله إيه ؟ مكنش هيصدقني بس انا كلمته في نص الليل وده وقت متأخر عندنا في منطقة العامرية في الاسكندرية وسألني فيه حاجة يعني ؟ قلتله لا تمام الرئيس أتكلم معايا وسألني محتاج حاجة ؟ وقلتله الرئيس بيسلم عليمك وفعلاً الرئيس بعتله السلام
