جريدة الديار
الخميس 28 مارس 2024 02:37 مـ 18 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

علاء خالد” مستعد لأي شخصية مش شبهي”

الفنان علاء خالد
الفنان علاء خالد

علاء خالد ممثل مصري ولد في(1 نوفمير 1998) ، شارك في العديد من المسلسلات والأفلام منهم:فيلم"عيش حياتك" ، فيلم"قصة٢٠٠ جنية" ، مسلسل "ضد مجهول" ، مسلسل"عمر ودياب" ، مسلسل"حلوة الدنيا سكر" ، مسلسل "قيد عائلي" ،مسلسل"بين السما والارض"، بطولة مسلسل إذاعي "عنبر 101".

كيف بدأت في مجال التمثيل؟

"اليوتيوب وأنا صغير من ٣ او ٤ سنين كنت بعمل فيديوهات قصيرة على اليوتيوب وساعتها من أول فيديو جاب مليون ، فـ كلمت التيم وعملت فيلم قصير اسمه "رفع سلاح" كان من بطولتي ومن كتر نجاحنا كانت الناس بتندينا بـ اسماء الشخصيات في الشارع فـ كانت حاجة جميلة اوووي ومن هنا كانت البداية".

من الذي شجعك للخوض في التمثيل؟

"هي كانت واحدة صاحبتي كنا مرتبطين ومكنتش بتحب اللي انا كنت بعملوا وكنت لما بخلص فيلم او فيديو كنت بخليها تشوف شغلي فـ كان دائماً فيه طاقة أحباط غريبة ومفيش تشجيع منها ، فـ مشيت بالطاقة السلبية وقولت انا لازم انجح واثبتلها اني صح وكمان مكنش مجرد ممثل لا انا لازم اكون A1 جيلي ، وعشان اثبتلها اني ناجح ومع كل خطوة الناس اللي كانت بتقف ف ضهري كانت بتزيت من جمهور لصحابي لأهلي، كل الناس بقو واقفين ورايا وفى ضهري وهي اكيد بتشوف نجاحي وحتا لو مبتشوفش ف هي اكيد بتسمع عنه بس كده ،فـ بشكرها برضو عشان لولا وجودها وكلمها اللي كان بيحبطني مكنتش هكون موجود دلوقتي".

من الذي رشحك لدور تايسون في مسلسل بين السماء والارض؟

 استاذ "طارق الكاشف" مساعد مخرج اول.

ما الذي حمسك للشخصية؟

انها مش شبهي وانا واحد شعره اصفر وعينه خضره ، وعادل تايسون عكس شخصيتي تماماً ودي اكتر حاجة شجعتني انع مش شبهي فـ لما استاذ "طارق الكاشف" كلمني قولت اكيد دي مكالمة غلط او كان قصدوا يكلم حد تاني مثلاً  بس لا كان عنده هو والمخرج العظيم الاستاذ "محمد العدل" ثقة فيا وفي موهبتي وانا متحمس ونفسي طول الوقت اعمل ادوار مش شبهي اكتر حاجة بحبها ف العالم بصراحة.

كيف استعديت للشخصية؟

"لا بصراحة انا مستعد لأي شخصية مش شبهي من زمان  وبنتظر الأدوار دي جداً ،وطوال الوقت بقعد مع ناس مش شبهي تماماً  واتعلم من كل واحد ليهم اسلوب وشخصية بتلفت انتباهي وبسجل فى ذاكرتي عشان اكيد هيجي اليوم اللي اخذ حاجة من ده وحاجة من ده فـ انا اتعلمت واستعديت للشخصية من قلب الشارع،والشارع ده احسن مدرسة تمثيل الممثل يتعلم منه كل حاجة".

ما الصعوبات التي واجهتها أثناء التصوير؟

"لا انا دائماً بحس بمتعة وأنا بعمل الحاجة اللي بحبها فـ مبشوفش صعوبات بصراحة، هي ممكن اكتر حاجة بتضيقني فى نفسي اني بكون متوتر شوية قبل كل عمل عشان بكون نفسي اطلع احسن ما عندي ودائماً بحس اتجاه اي حاجة بعملها ان كان ممكن تتعمل افضل من كده بس مش مهم انا المهم انه بيعجب الناس عشان انا دائماً مبكونش راضي عن نفسي وقولت الكلام ده لأستاذ "محمد رياض" وضحكلي ساعتها وقالي
 انت كده على بداية الطريق الصح فـ قولتله يعني انا كده فى امان قالي اطمن انت هتكون نجم فى المستقبل وابقى قول استاذ محمد رياض قال".

من المخرج اللي نفسك تعمل معه؟

"والله مفيش حد معين نفسي اشتغل مع كل المخرجين من اكبر مخرج فى الوطن العربي لأصغر مخرج فى مصر".

حدثنا عن كواليس التصوير مع الفنان هاني سلامة؟

"أنا لما دخلت مسلمتش على استاذ "هاني سلامة" عشان كان فيه ما بينا عداوة داخل المسلسل فـ كنت حابب ان ده يبان ف الكاميرا فـ كنت فى الكواليس دائماً مكشر وانا شايف دكتور قدامي واحنا مش بنمثل وهرفدو يعني هرفدو ، بس بعد لما خلصنا سلمنا على بعض وخدني فى حضنه قالي انت شكلك طيب ازاي طلع منك الشر ده كله ف قوهتو يانهر ابيض انا حظي حلو اني بسمع الكلام العظيم دة من نجم كبير زي حضرتك وحظي وحش ان الكلام ده متصورش وانا بصحي كل يوم بقول لنفسي هيطل تمثيل قالي اوعي انت بكرة هتكون نجم وركب العربية ومشي".

هل يوجد دور معين نفسك تقدمه ؟

"والله نفسي اعمل كل شخصية فى الشارع المصري وكل شخصية بعيدة عني وعن شكلي تماماً فـ نفسي اقدم ادوار كتير بس اكتر حاجة نفسي اعمل دور مدمن واعمل اكشن دي بجد امنية حياتي فى اللحظة اللي بكلمك فيها دلوقتي".

هل في اعمال قادمه بتحضرها ؟

"فيلم  "قصة ٢٠٠ جنية" عامل شخصية جميل ابن جميلة بتاعة الكوافير هو فيلم كوميدي من بطولة "هاني رمزي ,نيلي كريم , اسر ياسين , اسعاد يونس" ونجوم تانية كتير جداً.

"وبحضر لفيلم قصير من بطولتي بس لسه محددتش اسمه".