هدية العيد .. العطش يضرب قري محافظة الفيوم وحالة من الغضب بين الأهالي
"وجعلنا من الماء كل شئ حي"
تعاني معظم قري محافظة الفيوم وبمختلف المراكز من إنقطاع مياه الشرب ما أدي لوجود حالة من الغضب بين الأهالي ووجهوا استغاثات عديده عبر مواقع التواصل الاجتماعي حتي أرادوا تصعيد الأزمة إلى السيد الرئيس عبدالفتاح السيسي لينقذهم من هذه المعاناه في ظل الحر القاسي وشهر رمضان المبارك.
والغريب في الأمر أن هذه الأزمة تتكرر كل عام وفي نفس التوقيت قبل عيدي الفطر والأضحي.
ومن بين القري المجني عليها لم يسلم مركز سنهور القبليه من أزمة انقطاع المياه التي طالما عاني منها لسنوات قبل اعتماده رسمياً كمركز بدلاً من قرية.
حل الغضب علي أهالي سنهور القبليه وتوابعها وما زالت المعاناة مستمرة رغم سيل الاستغاثات الموجهه لإدارة شركة مياه الشرب والصرف الصحي بالفيوم.
والجدير بالذكر أن العطش يضرب معظم أو كل القري بمختلف المراكز مركز إطسا وطامية وابشواي وسنورس وسنهور
وما من بين الاستغاثات الكثيرة استمعنا إلى بعض الشكاوي لمعرفة آخر التطورات.
تقول "مها امين" بصراحه مش عارفين فيه ايه دي حاجه صعبه جدا طول النهار الماتور شغال والميه ضعيفه جدا ياجماعه فين المسئولين تنظيف البيت والغسيل بليل والصبح في الشغل يعني مافيش راحه ولانوم.
وتابع "احمد ابوشناف" قائلًا والله ولا قريه فيها مياه طيب المياه راحت فين يعني لو فيه عطل يقعد ثلاث أيام؟ ربنا يرحمنا.
واستكمل "عبدالرحمن السيسي" يا جماعه فين المسؤلين الي بيقولو عليهم أسود ووحوش وشطرين بس يتصورو وينزلو صور ليهم الموضوع بقي صعب وبعدين دي أيام رمضان المفروض الناس تراعي ويتحركو ويحلو المشاكل المتواجده بجد ودا مش فضل منهم دا شغلهم.
وقالت "نور الصعيدي" بصراحه شركة مياة الفيوم بقالها 3 سنين كل شويه يقطعوا الميه من الواضح إن الاداره فيها اتغيرت وبقت للاسوأ.
وفي اتجاه آخر، قال "شريف جمعه "فين النواب يا جماعه يتدخلوا وفين رئيس مجلس المدينه ولا جهات رقابيه ولا تنفيذيه ولا سلطه تشريعيه؟ ايه ياجدعااان فيه ايه؟
وأضاف "محمد محمود" طيب فين النواب المحترمين الناس اللي المفروض تتكلم باسم البلد وعلي مشاكلنا احنا لنا الله حسبي الله ونعم الوكيل.
وهكذا تتوالي الصرخات من مختلف قري ومراكز المحافظة ليجدوا من يحنو عليهم وينقظهم من العطش والجفاف الذي أصابهم.
