رأفت عبد العظيم يكتب : يونس حبيب جدو
من يومين وانا ماشى فى الصالة فقدت توازنى فجأة فوقعت بقوة براسى على الدراع الخشبى للأنتريه .. وبعدها وقعت على الأرض على جنبى الشمال بنفس القوة .. فقدت الوعى لـ لحظات .. وزوجتى وإبنى أحمد وزوجته فى حالة ذهول ومرعوبين من المنظر وقوة الوقعة ... وقاموا بإفاقتى ..
حفيدى يونس واقف بعيد شايف المشهد ومش قادر يستوعبه .. قال بمنتهى البراءة والإستغراب والإستفهام : هو جدو مات ؟ ..
لما فقت ونمت على الأنتريه لقيت يونس إندفع من وسط إخواته وجه لحد عندى وهو سعيد وفرحان إن جدو لسه عايش وباسنى كذا بوسة ..
فعلاً مفيش أحلى من حب وحنان وصدق الأطفال .. حبهم بلا نفاق .. بلا مقابل .. حب من أحلى وأجمل وأروع وأنقى من كل أنواع الحب ..
