تسنيم حومد سلطان تكتب :رسالة حب

أرجوكم.. 
أرجوكم..
أرجوكم..
بدكم عيدها بعد كمان شي مليون مرة لتستوعبوا!!!!  
بعيدها ماعندي مشكل.. بس الأهم تبطلوا
 " استخفاف و استهزاء بالناس وأعمالها " 
" وتدخلات فيهن وبأعمالهن "
يا عيني لما تشوف حدا شغله مش ع ذوقك، فهاد شي طبيعي، مش معناها تقعد تستحقره وتستخف بعمله، 
هاد مو شغلك 
مادام هو عاجبه إلي عم يعمله ما بحقلك ولا واحد بالمية تقله:  مالقيت غير هالشغل هاد..!  
أو تقله: عفكرة هاد شغلك كله مسخرة ..

شو ما كان يكون ان شالله يكون من أسوأ مايكون مادام عاجبه هالشغل وعم يكفي فيه، فلا تورجيه حالك إنك سيد الفهمانين وتنظر عليه وتفكر حالك شي شغلة... 

مو بالضرورة نلتقي بالأشخاص إلي بتحبون، 
ولا بالضرورة نمشي ع ذوقكم باختيار الأشخاص إلي ح نشتغل معن.. 
كرهك وغلك وحقدك تركه إلك.. 
إذا إنت شخص مافي بقلبك ذرة محبة، لا تنشر سلبيتك للناس الي حواليك 
لأنه ماحدا ملزوم يحب إلي بتحبن ويكره إلي بتكرهن.. 

فلما تشوفني مع حدا ما بعجبك ارجوووك خلي رأيك لنفسك، ولا تتمنالي الخير مابدي إياه من حدا 

الي عم يمشي بشغله بنور الله ماله ناطر شي من حدا.. 

بالختام " أرجوكم لا تقتلوا شغف حدا عم يموت ألف موته ليصل للشي إلي بده إياه، لا تستخفوا بأعمال بعضكن ولو كانت صغيرة، لانه ما ممكن أوصفلكم أديه بشع هالشعور 
لما تحس حالك وصلت نوعا ما للي بتحبه، ويجي حدا يقلك شو هالتفاهة إلي عم تعملها..!  
أو ما لقيت غير هالمكان لتشتغل فيه...!  
في غيره أحسن..  ووووووووووووووووووو.. 
ارجوكم...  اتركو الناس تعيش بسلام 
اتصالحوا مع نفسكن لتعيشوا بسلام وتريحوا الناس من كلامكم..