الشاعر إبراهيم خليفة يكتب: ”انا خدت فيكي نصيب الأسد”
انا خدت فيكي نصيب الاسد
واللي انا سيبته منك فسد
فبلاش تكذبي علي نفسك
وتقولي دي عين او حسد
انا سبتك وانا مؤمن جدا
أن خسارتك مكسب جدا
وان وجودي معاكي خسارة
وبناقص معرفتك فعلا
سبتك ارض عديمة الفايدة
ارض لا تصلح غير للبور
وانا خارج من قلبك يومها
مديت ايدي طفيت النور
شوفتي ازاي الطيب يقدر
ياخد حقه من المخاليق
شوفتي المؤمن لما بيكفر
ويضرب بأديه كل طريق
وحضني الاوسع م الدنيا
بقي يجي لعندك ويضيق
واللي اديته في حبك صبر
اديني باخده من قلبك اهر
واديكي بقيتي بواقيكي
لا ليكي تاريخ عندي ولا جبر
انسانة كانت والان مابقتش
قولتلها تعيش انما معاشتش
وبعد ماكنتي اغلي م عندي
دلوقتي بقيتي متسويش قرش
اقرأ أيضا|
خاص للديار.. وزير التعليم يحدد طريقة امتحانات الثانوية العامة ”ورقياً ام إلكترونياً”
وزارة الصحة_تطعيم شلل الاطفال_ريهام عبد الغفور_تليجرام_برشلونة_هيلاس فيرونا ضد يوفنتوس_مان سيتي ضد وست هام_مصطفي محمد_شرين رضا_جدول امتحانات الصف الاول الثانوي
