جريدة الديار
الجمعة 29 مارس 2024 09:14 صـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

شريف المقدم في حوار خاص لجريدة الديار يتحدث عن طموحاته و اهم أعماله

شريف المقدم
شريف المقدم

في البداية.. عرفني بنفسك .. وكم عمرك ؟

في البداية انا اسمي شريف المقدم ، 27 سنة ، معايا ماجستير في القانون و شغال محامي .

حدثني عن طبيعه السوشيال ميديا ؟

السوشيال ميديا الفترة الاخيرة من وجهة نظري محتاجة ان الناس اللي بتقدم محتوي تتقي ربنا في شغلها و يكون في هدف من المحتوي اللي الناس بتشوفة لأن الناس بقت اهم حاجه عندها الفلوس و المشاهدات و مش مهم الهدف أو الرسالة اللي من ورا المحتوي نفسة .

من الذي شجعك علي ذلك ؟

كل صحابي و زملائي في العمل والناس المحيطة بيه طلبت مني اني ابتدي انزل حاجه عالسوشيال ميديا وكانوا بيراهنوا عليه .

كلمني عن مجال التمثيل .. وما هي أهم اعمالك ؟

فيديو المهرجانات من أكتر الأعمال اللي بحبها و هيه اللي عرفت الناس بيه و اتفاجئت إن الناس حفظت كلامي و بيكتبوه في كومنتات حتي بعد فترة من نزول الڤيديو " احنا بنعمل الصح ولو ببلاش وانت بتعمل الغلط بس عشان الكاش " الجملة دي علمت مع الناس جامد وسموني چوكر مصر .

عملت ڤيديو "حبيبتي" في عيد الأم و الناس اتفاجئت بالكلمات و الأداء و لاقي استحسان و قبول من الناس و ده كان بيخليني اجتهد اكتر عشان اقدم حاجه تليق بأسمي و بالجمهور اللي بيتابعني و بيراهن عليه .

و اخيرا عملت ڨيديو الحب في زمن الكورونا و عجب الناس جدا و كنت قاصد إني اقدم رسالة بشكل مختلف عشان يكون فيه تنوع في المحتوي نفسه .

ماذا عن طموحاتك الفترة القادمة ؟

اطمح اني اوصل لكل الناس عشان فيه حاجات كتير عايز اعملها و افكار عايز انفذها و يكون فيه تنافس شريف في السوشيال ميديا من حيث الرسالة و المحتوي عشان الجمهور يستفاد اكتر و ميبقاش السوشيال ميديا تضييع للوقت و اسفاف .

ما هي خططك المستقبلية ؟

بخطط اني اطور من شغلي و اطور من الاداء عشان الناس تستاهل من الأفضل .

ما رايك عن المهرجانات.. وما رايك في السوشيال ميديا ؟

المهرجانات كنوع موسيقي انا مش ضدة خصوصا ان كلنا بنروح افراح و بنرقص فأنا مش هنكر حاجه زي دي ولا هنكر انها حاجه ممكن تكون بتبسطني لكن انا اعتراضي علي الكلمات اللي بتتقال في المهرجانات بعضها غير اخلاقي و يا ريت القائمين علي هذا النوع من الاغاني يفكروا برضة في الهدف و المحتوي من الأغنية ميبقاش المهرجان كله كلام غير مفيد و غير هادف.

نصحية أخيرة للموهوبين ؟

اي حد موهوب انصحه انه يصدق نفسه و يكون واثق انه عنده ميزة و ميترددش انه يعرض موهبتة للناس لأن فعلا الحاجه الحلوة بتوصل للناس و بتنجح .

ما هي للاهمية المواقع التواصل الاجتماعي في حياتك .. و مارسالتك ؟

مواقع التواصل الاجتماعي بتساعدني اوصل شغلي للناس و بتساعدني اشوف اللي الناس محتاجاه و ده بيخليني اقدر احدد المحتوي اللي هشتغل عليه و ينزل .

هل تحب تقول كلمة أخيرة ؟

بشكركم طبعا علي الفرصة دي و ان شاء الله فيه حاجات كتير بعملها هتنزل قريب و ان شاء الله هتعجبكوا و تعجب الناس و احنا بنعمل الصح ولو ببلاش .