معركة حمو بيكا وتامر عبد المنعم تشتعل : شوف حد يقرا لك

مازالت معركة حمو بيكا وتامر عبد المنعم مشتعلة ، حيث رد الفنان تامر عبدالمنعم، على مطرب المهرجانات حمو بيكا عبر حسابه على"فيسبوك" بعد حديث الأخير عنه، بأنه أكثر وطنية منه.
قال عبد المنعم "السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش".

تامر عبد المنعم : لم أشكك فى وطنيتك
وأضاف: "أما بالنسبة لوطنيتك اللي اقحمتها في الموضوع.. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكرا.. نسيت أقول لك شوف حد بيعرف يقرأ عشان يقرأ لك".
وكان مطرب المهرجانات حمو بيكا، قد هاجم الفنان هاني شاكر، نقيب المهن الموسيقية، والفنان تامر عبد المنعم، بعد حديثهما، أمس الثلاثاء، في الصالون الثقافي بقصر السينما.
وقال هانى شاكر، أن النقابة لم تمنع أحدا وإنما تطبق القانون، ولابد أن يقدم العضو موقفه من التجنيد وجميع الأوراق المطلوبة.
عمر كمال يقترح حلا
واقترح الفنان عمر كمال مطرب المهرجانات، للخروج من الأزمة تحقيق رقابة على مطربي المهرجانات وكلمات الأغاني .

وتابع أن الراب ظهر بقوة حاليا، مضيفا :"لو اشتغلت تحت مظلة النقابة بشكل رسمي هذا الأمر سيكون حاجزا امام تقديم أعمال بها كلمات خارجة او غير مناسبة".
وأكمل عمر كمال، أن المهرجانات لابد أن تكون تحت مظلة النقابة بشكل رسمي ونضع ضوابط على الكلمات أيضا.

حمو بيكا خاض امتحان النقابة ورسب
وأوضح شاكر، أن حمو بيكا خاض امتحان النقابة ورسب وأحضرنا له مدرس موسيقى لكنه تخلف عن الحضور وامتحن مرة أخرى ورسب، مشددا على أن من حق بيكا الالتحاق بامتحان النقابة بعد عام من الآن، لو اتمرن واتحسن.

وقال بيكا، في بث مباشر عبر حسابه على انستجرام: «لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.. المكان اللي عامل عليه الندوة ده اسمه المنصة، متقولش مسرح إنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي،

وتابع: «عاملين ندوة كبيرة وطالعين تستهزأوا بينا، أنت متستهزأش بيا، عصر أم كلثوم وعبدالحليم كان زمان مش دلوقتي خالص، إحنا في سنة 2021 وده جيلنا وعصرنا احنا بعد إذنكم».

واستكمل: «بيقولوا لو عايزين تغنوا غنوا برة مصر..ليه؟، ما دي بلدنا برضو، إحنا محدش يمنعنا وإحنا في بلد حرية ومفيهاش منع، وبلد بتتقدم بالجمال والحلاوة.. ومفيش كلام خارج بيطلع مني».

واستطرد: «وحدوا الله ومش تحسسونا إن إحنا بيئة وزبالة، أنتم شايفينا كده عشان عايزين تشوفونا كده، الظلم حرام، وأنا بتكلم عن نفسي، وبقالي 5 سنين وغنيت إسفاف ولكن ده من زمان، ووقتها مكنتش أعرف يعني إيه نقابة ولما عرفت بطلت ومفيش كلام خارج بيطلع مني».
مرض نادر بمعدة حمو بيكا
يذكر أن مطرب المهرجانات حمو بيكا قد كشف فى شهر مارس الماضى عن أنه يعاني من مرض نادر في المعدة.

وأوضح حمو بيكا خلال لقائه في برنامج تلفزيونى أنه مصاب بمرض «كرونز» وهو مرض مناعي، ويأخذ بسببه حقن غالية الثمن، وقال بيكا: «حقن غالية بس الحمد لله نزلت على نفقة الدولة، أول كورس بيبقى بـ120 ألف، وبعد كده كل 3 شهور الحقنة بـ20 ألف».

وأوضح أن هذا المرض اكتشفه بعدما أصبح مشهورًا ومعه مصاريف العلاج، موضحًا أنه يعاني من هذا المرض منذ طفولته لكن لم يكتشفه إلا مؤخرًا ولا يشفى منه إلا وهو في عمر 50 أو 60 عامًا.