جريدة الديار
الخميس 3 أبريل 2025 07:02 مـ 5 شوال 1446 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع
”مصرع عنصر جنائي شديد الخطورة في تبادل إطلاق النار بالأقصر” ”إنهاء خصومة ثأرية استمرت 30 عامًا في البحيرة بحضور المفتي السابق””صور ” القبض على متهم بغسيل 31 مليون جنيه متحصلة من تجارة الأسلحة النارية الجيش الإثيوبي يقتل أكثر من 40 مدنيا في ولاية أمهرة بينهم أطفال الشرقية: رفع درجة الاستعداد القصوى استعدادا لاستئناف الدراسة عقب إجازة عيد الفطر تنظيف و صيانة المدارس قبل عودة الدراسة واستقبال الطلاب السبت الخارجية السورية: العدوان الإسرائيلي دمر مطار حماة العسكري عمر مرموش يعادل رقم هاري كين في المساهمات التهديفية بالدوريات الأوروبية الكبرى النائب العام الأردني يقرر إعادة التحقيق في قضية وفاة المصرية آية عادل الحوثيون: 36 غارة أمريكية على صنعاء وصعدة ومحافظات أخرى وسقوط قتلى وجرحى مصر تدين انتهاك إسرائيل السافر للسيادة السورية واستهداف عيادة تابعة للأونروا صفعة لمبدأ العدالة الدولية.. أول تعليق من حماس على قرار المجر

بسمة وهبة تهاجم ”عبد الله رشدي”: بتاع شو وإثارة للجدل

شنت الإعلامية بسمة وهبة، هجومًا حادا على "عبدالله رشدي" إمام مسجد السيدة نفيسة سابقًا، بعد أن أفتى بتحريم لعبة كمال الأجسام، بعد ساعات من تتويج البطل المصري بيج رامي للمرة الثانية على التوالي ببطولة "مستر أولمبيا" في نسخة 2021.

وقالت الإعلامية، خلال برنامجها "90 دقيقة" المذاع على شاشة "المحور"، :"عبدالله رشدى بيكتب فتوى عن عورة الراجل وإن اللعبة بتاعة "بيج رامى " حرام.. وباقى القصيدة اللى إنتم عارفينها.. والمدهش هنا الحقيقة هو إن عبد الله رشدى واضح انه بقى سايب تعاليم الدين وأصوله وبقى متخصص في الفتاوى المثيرة للجدل".

وواصلت:" عبد الله رشدي بيدور على التريند فين ويجرى عليه بفتوى عشان يلم لايك وشير زيادة .. والمدهش أكتر ان عبد الله رشدى بقى متخصص فتاوى فن ورياضة بس.. لأن هو هو نفس الشيخ اللى طلع قلل من إنجاز لاعبات الإسكواش المصرى وتحديد نور الشربينى وبدل مايتكلم عن إنتصارها واسم مصر اللى رفعته قعد يتكلم عن اللبس ، وهو نفسه برضه اللى ساب كل حاجة في موضوع فريدة عثمان وركز مع المايوه.. وهو هو اللى ساب كل حاجة في الرياضة وانتصاراتها وركز مع اللبس الشرعى.. وهو هو اللى خد طريق عكس كل الناس وكتب يهاجم صلاح بسبب صورة الإعلان .. والحقيقة ده هوس غريب ومش مفهوم .. تحسوا إنه في إصرار من عبد الله رشدى وغيره من أعضاء قافلة العكننة على المصريين إنهم يكملوا دور الإخوان وشيوخ التطرف في استغلال الدين لتحريم كل شيء وتسويد كل شيء .. كده مرة واحدة بفتاوى مباشرة بتحرم كل حاجة بدون نقاش ولا شرح ولا إدراك للمتغيرات الاجتماعية والزمانية والتاريخية".

وأضافت :"الغريب في فتوى عبد الله رشدى بخصوص لعبة كمال الأجسام .. إنه أتكلم بس بعد فوز بيج رامى، يعنى ماهى اللعبة موجودة قدامك بقالها عشرات السنين .. اشمعنى تطلع الفتوى بتاعتك دى في عز فرحة المصريين بالإنجاز الكبير بتاع بيج رامى ..وده اللى خلى الناس ترد عليه على السوشيال ميديا وتقوله :" انت عايز تعمل شو وخلاص يا شيخ عبد الله؟ جاي تقول الكلام ده ومصر كلها بتحتفل ببطلها بطل العالم، ليه ما قلتش الكلام ده من زمان ولا انت أول مرة تعرف إن فيه لعبة اسمها كمال الأجسام؟".