محمد الشاذلي عن الحزن الشعبي على وفاة محمود العربي: التجارة مع ربنا أفضل حاجة ممكن يعملها الإنسان

نعى الإعلامي محمد الشاذلي، رجل الأعمال محمود العربي بكلمات مؤثرة بعدما وافته المنية، أول أمس الخميس، عن عمر ناهز 89 سنة، قائلا: "اللي بيعمل الخير بيتقال، والتجارة مع ربنا هي أفضل حاجة ممكن الإنسان يخرج بيها من حياته، كان رجلا مصريا وطنيا بامتياز أعطاه الله من خزائنه الكثير ومع ذلك لم يطغى ولم يتجبر ولم تظهر عليه مظاهر البذخ التي قد تكون حائلا بينه وبين الناس". 
وأضاف الشاذلي خلال تقديمه حلقة اليوم من برنامج "صباح الخير يا مصر"، الذي يعرض عبر القناة الأولى والفضائية المصرية: "مهما كانت المكاسب اللي ممكن الإنسان يحققها في الدنيا، لكن مفيش أفضل إنك تلاقي ناس زعلانة على وفاتك وده اللي شفناه امبارح في حنازة الحاج محمود العربي". 
وتابع، أن العربي كان رجلا عصاميا وبنى نفسه بنفسه وبدأ من الصفر، فقد أحب التجارة، وكان نادر الظهور الإعلامي والحديث عن رحلته: "كان فاتح بيوت ناس كتيرة جدا وكان خيره على الناس كتير جدا، وده كان هدفه من التجارة والحياة، الناس كلها كانت بتدعي له وسمعنا قصص كتيرة عن التجارة مع ربنا وده ينطبق عليه قول ربنا يرجون تجارة لن تبور".