فى ذكرى وفاة ”الأبنودي” .. إليكم أشهر 10 أشعار لـ ”الخال”

تحل اليوم 21 ابريل ذكرى وفاة الخال عبد الرحمن الأبنودي، أحد أشهر شعراء العامية الذين عرفتهم مصر، ولد في 11 ابريل عام 1938 بقرية أبنود التابعة لمحافظة قنا،ودرس بمدارس قنا ثم أنتقل إلى القاهرة والتحق بكلية الآداب جامعة القاهرة لدراسة اللغة العربية.

تألق الأبنودي فى الكتابة الشعرية،على الرغم من كثرة منافسية من شعراء العامية أهمهم "صلاح جاهين"، وفؤاد حداد، والفاجومى، ونجح فى جذب أذان مستمعى أشعاره.

وترصد "بوابة الديار" فى هذا المقال أشهر 10 أشعار للخال عبد الرحمن الابنودى:

1-من مسلسل أبو العلا البشري: "متمنعوش الصادقين عن صدقهم، ولا تحرموش العاشقين من عشقهم كل اللي عايشين م البشر من حقهم يقفوا ويكملوا، يمشوا ويتكعبلوا، ويتوهوا أو يوصلوا"

2-أغنية عدى النهار "بلدنا ع الترعة بتغسل شعرها، جانا نهار ماقدرش يدفع مهرها"

3-من فيلم شيء من الخوف "في عينيها نار وجنة وعند وشدة وهوادة، البنت من الدهاشنة واسمها فؤادة"

4-من مسلسل سوق العصر "أنا صوتي مني وأنا ابن ناس فقرا، شاءت ظروفي إني أكتب واقرا، فباشوف وباغنّي، والفقرا باعتيني، ياناس ياهوه، قبلن ما اقول قوله، اتأكدوا إن صوتي ده وصدر مني"

5-أغنية تحت الشجر يا وهيبة "يا عيونك النايمين ومش سائلين، وعيون ولاد كل البلد صاحيين"

6-أغنية الهوى هوايا "الهوى هوايا أبنيلك قصر عالي، وأخطف نجم الليالي، وأشغلك عقد غالي، يضوي أحلى الصبايا، يبقى القمر قاربنا، والليل بحر مهاودنا، والنسمة اللي تاخدنا، ترجع شايله الحكاية"

7-أغنية ساعات ساعات "تقيلة خطوة الزمن، تقيلة دقة الساعات"

8-أغنية يونس "جاي من بلادي البعيدة لا زاد ولا مية، وغربتي صاحبتي بتحوم حواليا، وانتي تقوليلي بحبك، تحبي إيه فيا؟، وده حب إيه ده اللي من غير أي حرية؟"

9-قصيدة أحزان عادية "احنا ولاد الكلب الشعب، احنا بتوع الأجمل وطريقه الصعب، والضرب ببوز الجزمة، والموت في الحرب"

10-أغنية عدوية "اسمك عدوية يا صبية، ورموشك شط، وأنا طول عمري غريب في الميه، بتشال وأتحط"

يذكر أن "الأبنودي" حصل على جائزة الدولة التقديرية عام 2001، ليكون بذلك أول شاعر عامية مصري يفوز بجائزة الدولة التقديرية، وفاز ايضًا بجائزة محمود درويش للإبداع العربي للعام 2014.