نهال عنبر تعليقاً على شائعات مرض عبلة كامل : ”إشاعة غريبة زي اي إشاعة بتطلع على فنان”

أكدت الفنانة نهال عنبر عضو مجلس نقابة المهن التمثيلية تعليقاً على الانباء التي رشحت حول إصابة عبلة كامل بمرض السرطان قائلة " الدكتور اشرف زكي نقيب المهن التمثيلية تواصل مع أسرتها والحمد لله طلعت إشاعة زي اي إشاعة بتطلع وانا شخصياً من ثلاث سنوات وتحديداً في مطلع يناير طلعولي جنازة وصندوق معرفش ليه ؟ والناس قعدت تعزي وأخدوا مقاطع تانية .. وده بقى العادي في حياة الفنانين
وأكدت في مداخلة هاتفية عبر برنامج " كلمة أخيرة " الذي تقدمه الاعلامية لميس الحديدي على شاشة " ON" صدور مثل هذه الشائعات إلى مواقع وصفتها بتحت بير السلم ترغب في تحقيق " ترافيك" وجلب إعلانات على إثر هذه المشاهدات فتقوم بنشر الخبر ثم تختفي وتابعت قائلة " بترمي الخبر وتختفي ومانعرفش نجيبها لكن أعتقد سيكون هناك مسلك قانوني أننا نجيبهم ونحاسبهم ".
واكملت " بيعلموا المشاهدات وشوية إعلانات ويختفوا وفيه مواقع كويسة بتاخد الاخبار دون تحقق منها وبقول للناس ياجماعة متخدوش الكلام إلا من منبعه ومصادر معروفة مش عايزة أققول اسامي وفيه مواقع كويسة ومعروفة نقلوا من غير مايتأكدوا ".
واردفت قائلة " الحياة الخاصة بالفنان ومرضه من الخصوصيات إنت ملكش حاجة عندي غير فني الي بقدمه لو شفتني فنياً في عمل مش مأدية كويس من حقك تنتقدني إن شاء الله حتى تقول مابعرفش أمثل أو لو شفت حاجة مني كتصرف في مكان رسمي من حقك تعلق لكن مش من حقك تدخل في حياتي الشخصية " .
ورداً على سؤال الحديدي حول رؤية البعض لحياة الشخصيات العامة أنها على المشاع ومن حق الناس تعرف كل التفاصيل حتى لو زواج وطلاق قالت عنبر " لو إتجوزت ماشي لكن إتطلقت ملكش فيه ..لكن الجواز عشان إعلان لكن إتطلقت أو مرضت دي حياتي الشخصية أنا حرة ده سري وحياتي واسرتي وأولادي .. من حق الفنان الحفاظ على أسرار حياته العائلية تخص بيته ماينفعش تخترق بحجة أنو شخصية عامة ".

اقرا ايضا

أحمد موسى يوجه رسالة نارية لـ «الخاسر» في الانتخابات.. فيديو

عبلة كامل_ميرنا وليد_بسنت شوقى_اسماء الفائزين فى انتخابات مجلس النواب_مسلسل ما وراء الطبيعة2020_انتخابات مجلس النواب_استون فيلا_مرضى مارسا_محمد صلاح