الخميس , سبتمبر 20 2018
الرئيسية / فـن / سما المصري في قصف جبهة لشريف منير

سما المصري في قصف جبهة لشريف منير

كتب : عصام عامر

قالت “سما” في مقطع فيديو نشرته عبر صفحتها : “شركة (…) للاتصالات اللي هي شركة قومية .. ممكن تردي لينا على كذا سؤال: حضرتك طلعتي فنانين وإعلاميين على حسابك بفلوس البلد .. ليه؟ .. طبعًا انتي حرة تطلعي اللي عايزة تطلعيه بس ادينا الأسباب .. يعني انتي متعلمتيش من اللي حصل في موقعة (أم درمان) والفنانين لما اتضربوا ورجعوا معيطين ؟ “.

وأضافت : “أنا مقولتش متطلعيش حد .. لا طلعي بس جنبهم شوية مشجعين صغيرين من الشباب عشان يسخنوا الدنيا وينشطوا اللعيبة هيبقى أحسن من الفنانين والإعلاميين لأن دول رايحين عشان الشو والناس كلها عارفة .. الموضوع دة مضايق ناس كتير .. بس تمام طلعتي فنانين .. طب احنا كمصريين عايزين نعرف ولاد الفنانين دول طالعين على حساب مين .. الفنانة ليلى علوي معاها ابنها والأستاذة لميس الحديدي معاها ابنها وفيه إعلاميين واخدين زوجاتهم .. دول على حساب مين؟ “.

و وجهت كلامها للفنان شريف منير ، قائلة : “حضرتك بتقول إنكم طلعتوا روسيا بتيكيت الطيران والإقامة .. طب في ظل ظروف البلد الحالية كنتوا عايزين ايه؟ بوكيت ماني؟ ولا عايزين تعملوا شوبينج من فلوس الشعب؟ .. الشركة اللي طلعتكم دي شركة قومية .. والفلوس دي فلوس البلد وكان أولى بيها حاجات تانية .. حضرتك بتقول : كنا نعمل ايه لما يتوجه لنا دعوة؟ .. نعمل 3 حاجات يا إما تقولهم اتبرعوا بالفلوس دي لمستشفيات وحاجات تخدم البلد واحنا ندعم المنتخب من هنا .. يا إما تقولهم احنا هنطلع على حسابنا كفنانين .. واحنا ما شاء الله ربنا فاتح علينا .. والفلوس دي طلعوا بيها شوية شباب أو طلعونا وطلعوا معانا شوية شباب يهيصوا ويفرفشوا لكن دة محصلش .. وعايزة أقول حاجة .. مفيش حد من اللي مشترك في كأس العالم سفر فنانين غير مصر .. وعمار يا مصر”.

شاهد أيضاً

اسكندرية كمان وكمان” .. العسيلي يحيي ثالث حفل علي التوالي بالأسكندرية

  كتبت : أميرة عزالدين 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *