بعد الانتهاء.. الديار تبرز أزمة آل الشيخ ومحمد سراج بصورة كاملة

افتعل تركي آل الشيخ الأزمة بالأمس مع مجلس إدارة النادي الأهلي بالنشر على موقع التواصل الاجتماعي فيسبوك قائلًا : "اذا كان القرار بيد ادارة مش عاوزه مصلحة النادي وبيعطلو اي اي حاجه تصب في مصلحة النادي ... وصبرت عليها كتير بس واضح انهم مش حيتغيرو في حاجه ... الحمدالله عندي نادي في أوروبا ! والباب الي يجيلك منه الريح سده واستريح ... لغاية مايجي رجال يقدرو الرجال! ".
لم يترك عضو مجلس إدارة النادي الأهلي " محمد سراج الدين " ما قاله وزير الترفيه للملكة العربية السعودية أن يمر مرور الكرام ،دون رد من الطرف المُفتعل تجاهه الأزمة .
ورد محمد سراج الدين قائلًا : " بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج ".
وتابع عضو مجلس إدارة النادي الأهلي : " الفيروسات دي بينتشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر ".
وأستكمل : " اللي انا واحد مرضاش بأحداث اي نوع من أنواع الفتنة بينهم بأي شكل من الأشكال احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين ، المشكلة ان الفيروسات دي مختلفة عن الكورونا في حاجة وهي ان لها علاج " .
وأردف : " العلاج لازم يجي من الدولة ويكون جذري الدولة اللي أنا بحترمها وبقدرها عشان محدش يزايد عليا " .
وأتم سراج : "أنا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل…اللهم بلغت اللهم فاشهد " .
آل الشيخ كالمتعاد لن يترك مجالًا لإنهاء النقاش .. ويرد بقوة
ويرد آل الشيخ : " هوا مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟ "
ويعود سراج بالرد في منشوره قائلًا : " هو انا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس افتكر انه كان علمني كمان ان الكرامة دي اعلى واهم صفات الإنسان وان عمري ما اقبل اي تجاوز في حقي ".
وواصل : " وانا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله في قيم ومعاني واصول اهم وأسمى من كده بكتير بس انت معذور متعرفهاش بحمد ربنا اني اتربيت كده وانا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول ".

وأختتم :" وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين ".
الجدال ينتهي من الطرفين بتسفيه كلٍ منهما للآخر
ونشر تركي آل الشيخ عبر حسابه قائلًا : " ارجع أسال هوا انتى مين عشان اكسر عينك؟ مالكش اي قيمة ... بعدين اذا انا بحب الشو على كلامك على الاقل بدفع حق الشو الي بعمله ...مش زيك هارينا بابي ومامي وفي الاخر ناجح بفلوسي انا ودعمي انا؟! ".
وواصل : " متعملش فيها راجل وبتاع كرامه وانتى اساساً الكرمه دي متعرفهاش الا في بوست فيس! وبعدين انا مش حشتم في ابوك المحترم الي للاسف معرفش يربيك ولا اجيب سيرة ارض الطوب الرملي في الواحة في مدينة نصر وبقية الاراضي والشيك الي ب ١٠ مليون جنيه بدون رصيد لن كده حيزعل منك بابي ... ".
واختتم : " لو عندك كرامه يابو كرامه يا اهبل كان اتصرفت وانا مرتين ارمي الاستقاله في وشك ومتقبلوهاش ... واستقاله بين السطور فيها انه ميشرفنيش اكون رئيس ل نادي الاهلي العظيم الي بحبه وبحب جمهوره وفيه هلفوت في مجلس الاداره زيك ... بتاع بابي ومامي ! دي اخر مره انزل ل مستواك وارد عليك ببوست ... فاهمني

حسن حسنى محمد منير محمد سراج الدين وفاة الفنان حسن حسني الكويت محمد سعد علاج فيروس كورونا تركي ال شيخ ابناء حسن حسنى نفق العروبة