ريهام سعيد: لدينا 80 طفل مريض قلب وحالات حقن مجهري
أكدت الإعلامية ريهام سعيد، على أهمية وقوة دور المجتمع المدني في مساعدة كثيرون، ممن يواجهون أزمات صحية وعوائق مادية، موضحة:" حطوا نفسكم مكان أي حد مستنى منى تيلفون أقوله هات ابنك خلاص عشان يعمل العملية.. ربنا يقدرني على قضاء حوائج الناس.. طول عمرنا بنعمل أعلى معدل للعمليات وإنقاذ الناس، ومتأكدة إن جمهوري في ضهرى".
وأضافت ريهام سعيد، خلال برنامجها "صبايا الخير" المذاع على شاشة النهار"، :"ناس كتير مش بيتبرعوا إلا لما أجيب أطفال.. ولكن الآن وبسبب ميثاق الشرف الإعلامي مفيش ولد يكون تعبان ويطلع على الهواء عشان التبرعات، والأمر الآن اختلف عن السابق، وهذا الأمر تسبب في أزمة بالنسبة لي"، مشيرة إلى أن :"طوابير البنوك حاجة ثقيلة على كثيرين لكن عاوزة كل أم بتشوفني دلوقتى، تخيلى إن عندك ابنك أو بنتك لا قدر الله، بتعاني مرض بالقلب، وانا في إيدي مساعدتك من موقعي". :"أنا كل واحد بروح عشان أقدمله مساعده، بيقول أنا بتفرح على البرنامج بتاعك، ولكن لم أتخيل أن أحتاج لكم في يوم من الأيام.. لكن أـؤكد إحنا مجرد سبب ربنا جعله لحل أزمة الآخرين.. تخيل ربنا كرمك وخلاك واحد من الناس اللى أسند إليك العمل ده..والمبالغ التي تتبرعون بها، تساهم في إنقاذ آخرين لعيشوا حياة طبيعية".
وأكدت الإعلامية ريهام سعيد أن معظم المستشفيات الآن مخصصة لحالات كورونا، ودورنا كمجتمع مدني مساعدة الناس في ذلك الوقت، مستطردة: " حطوا نفسكم مكان أي حد مستنى منى تيلفون أقوله هات ابنك خلاص عشان يعمل العملية..تخيلوا دلوقتى إن معانا حالة لطفلة عمودها الفقرى يعاني اعوجاج، ولا تستطيع الحركة، ومعانا 80 حالة قلب مفتوح لأطفال، وصلوا لدرجة غير لطيفة.. وحالات الحقن المجهري، ونحن في البرنامج نحتاج فلوس كثيرة لأجل هؤلاء.. أنقذوا هؤلاء الأطفال بأسرع وقت ممكن".
وأشارت الإعلامية إلى أنه يوجد حساب جديد باسم "صبايا 2021" موجود في جميع فروع بنك مصر ، كما سيتم تفعيله في البنك الأهلي المصري، مؤكدة: "طول عمرنا بنعمل أعلى معدل للعمليات وإنقاذ الناس، ومتأكدة إن جمهوري في ضهرى وهننقذ الناس، وأنا بدوري لن استسلم ولن أحبط.. وكل ما تضيق هدعي ربنا يساعدنا في قضاء حوائج الناس".
