جريدة الديار
الجمعة 29 مارس 2024 09:04 صـ 19 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

المستشار رامي رسلان يكتب :برجاء الإنتظار

المستشار رامي رسلان
المستشار رامي رسلان

وانت بتسحب فلوس من ماكينة ATM و بعد ما دخلت الكارت و كتبت المبلغ اللي عايزه بيظهرلك على الشاشة. برجاء الانتظار... فترة و الجملة مش بتتغير وفجأة الموضوع طول عن العادي تبدأ تقلق .. هي علقت ولا ايه..!! و بدأت افكر لو الكارت مطلعش هعمل ايه و هتصرف ازاي ؟ طب هتصل بالبنك يقولولي حل سريع اعمله و انا واقف ؟ ولا لازم اروح لاقرب فرع ؟ طب لو مشيت هل ممكن الماكينة تطلع المبلغ و الكارت بعد ما أمشي..

اسئلة كتير بتدور في بالك لان الماكينة مش عاملة قصادى غير جملة برجاء الانتظار .. وفجأة الكارت خرج و ساعتها نسيت كل حاجة و أخدته و أخدت الفلوس و مشيت ولا كأن فيه حاجة اصلا

•..الموقف ده بيحصلنا كتير فى حياتنا لما بنتحط في مواقف صعبة ونكون امام كلمة برجاء الإنتظار..

و ننتظر حلول من عند ربنا. في الفترة واللحظات دي بيجي في تفكيرنا مليون حاجة و مخاوف و افكار بتقتلنا قلق الانتظار نفسه مؤلم . و فجأة بتتحل من عند المول عز وجل فى ثانية و الاسئلة دي كلها بتسقط امام حل الله فاتركها تأتي كما كتبها الله لك لعلها تاتي كما تمناها قلبك وفي توقيت معلوم وإن طال الإنتظار سيصلح الله كل شيء.

ولذلك كل ما انت فيه الان ليس الا مرحلة فبرجاءالانتظار..