الثلاثاء , أكتوبر 23 2018
الرئيسية / القسم الأدبي / ابداعات وأقلام / عالم الكافيهات والمطاعم

عالم الكافيهات والمطاعم

بقلم : محمد السيد المنسي

 

النهاردة من الصعب جدا انك تلاقي فرصة عمل تناسب قدراتك وخبراتك العملية ويمكن دا سبب رئيسي من اسباب البطالة في مصر ( قلة الخبرة والتدريب ) .

ودا انعكس بشكل واضح علي الوظائف المتاحة في سوق العمل ، فمعظم اصحاب الاعمال بيطلب خبرة من سنتين لاربع سنين علي الاقل ، فتفضل حضرتك جوا دائرة مقفولة وانت بتبحث عن فرصة عمل تناسبك وتناسب دراستك وتعليمك ، وفي النهاية بتكتشف انك مش لاقي وظيفة وبتعاني من مشكلة بطالة .

ويمكن بسبب كده فكرت أن اكتب لكم مقالاتي في مجال المطاعم والكافيهات من واقع ال اتعلمته واشتغلت بيه _والحمدلله_ نجحت ، فتستفيد منه وتقدر تشتغل وتثبت نفسك .

اكتشفت من الواقع العملي أن ( المطاعم ) أو مجال ( التشغيل ) بصفة عامة بيوفر فرص عمل كتيرة للشباب لكن للأسف معظم الشباب او أغلب ال بيقدموا علي وظائف بينقصهم زي ما قولت ( التدريب والخبرة ) .
وعشان كده بطمنك انك لما هتفهم مجال ( التشغيل ) وتدرس وتدرب علي الوظائف ال بيوفرها هتلاقي وظيفتك المناسبة وهتقدر تحقق كل ال بتحلم بيه .

قبل ما ادخل ف موضوع مقالة اليوم محتاج بس اوضح لك أن الامكانيات مهما كانت بسيطة او ضعيفة عمرها ما كانت سبب بيقف حاجز بينك وبين حلمك ، أنت بس ال بتخلق فرصة وجودك ، انت بس ال فإيدك الاختيار ، أن كنت هتوصل لحلمك او هتقف مكانك تتفرج عليه .

هبدأ معاك من أول الطريق واتكلم عن معني ( المطعم )
وهو المكان ال بيتقدم فيه المأكولات والمشروبات للزبائن
وظهرت فكرة المطاعم أول ما ظهرت علي جوانب طرق السفر علشان يقدر المسافرون من التوقف للراحة واستعادة حيويتهم.
والمطاعم أنواع مطاعم الخدمة على الطاولة ، مطاعم الخدمة السريعة ، ومطاعم البوفيه المفتوح ، ومطاعم التوصيل للمنازل.

مطاعم الخدمة على الطاولة

ودي مطاعم بيشتغل ف معظمها رئيس لعمال المطعم، أو مضيف ( كابتن اوردر _ ويتر) يقوم بترتيب جلوس الزبائن على الطاولات، وإعطائهم قائمة بأنواع الطعام الموجود لأخذ طلباتهم وتقديم الوجبة لهم. ومعظم المطاعم دي بتكون عائلية بتقدم أصناف متنوعة من الطعام وبأسعار مناسبة.

مطاعم الخدمة السريعة

ودي ال بتقدم وجبات سعرها معتدل وخدمتها سريعة ، وكتير منها بيقدم أصناف مختلفة من الأطعمة زي البطاطس والهامبورجر والكباب والدجاج المقلي والبيتزا والسمك وشرائح البطاطس والفطائر والكريب.

مطاعم البوفيه المفتوح

ودي المطاعم ال بيكون فيها الطعام علي مختلف انواعه وبدون تقييد بكمية محددة او عدد معين ، يعني مطاعم بتقدملك طعامك بدون قائمة أسعار تختار منها .

مطاعم التوصيل للمنازل

ودي مطاعم بتعتمد علي منفذ بيع واحد هو منفذ الديليفري او التوصيل للمنازل وال بيكون مقابل خدمة بتضاف لفاتورة طعامك.

عن الوظائف ال بتوفرها المطاعم
ودول اكتر من 20 وظيفة حضرتك لو فهمت طبيعة كل وظيفة منهم هتقدر بعد شوية تدريب
انك تشتغلها وهي:
مدير عام_ مدير تشغيل _ محاسب مالي _ محاسب تكاليف_ مدير مشتريات_ مدير تسويق_ كاشير_
اوردر تيكر_ بيك اب_ طباخين_ شيفات _ امناء عهدة_كابتن اوردر_ويتر_باريستا_طيارين
_ مدير وردية _مسئول تشغيل_مراجع مالي_سائقين_ فنيين صيانة_ مراقب كاميرات_ مدخل بيانات _ استيور.
اتمني ف المقالات الجاية اني اشرح لكم بطريقة مبسطة مبادئ كل وظيفة من دول فتفهموها صح وتقدروا انكم تشتغلوا بها .

شاهد أيضاً

خاطرة … ” قد لا تكون النهاية “

بقلم : مروى العيد على حافة نهر الخسارة أقف حافية القدمين ،أرمي ماءه المكدر بحصى ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *